बळीराम पेठेत केली होती घरफोडी; दुसरा फरार
जळगाव। शहरातील बळीराम पेठ येथे १४ ऑगस्ट रोजीच्या मध्यरात्री चोरी झाली होती. शहर पोलिसांना त्यांच्या चपलांच्या ठश्यांमुळे एका चोरट्याची ओळख पटली होती. या दोन चोरट्यांमधील एक चोरट्याला पोलिसांना पकडण्यात यश आले आहे तसेच त्याचा दुसरा साथीदार फरार आहे. त्याचा तपास सुरु आहे.
अटक केलेल्या चोरट्याचे नाव रिजवान उर्फ काल्या गयासुद्दीन शेख (वय २२, रा.तांबापुरा) असे आहे. त्याचा साथीदार समीर (पुर्ण नाव माहित नाही) हा बेप
दरम्यान सहाय्यक फौजदार वासुदेव सोनवणे अक्रम शेख, गणेश शिरसाळे, सुधीर साळवे, योगेश इंधाटे, भास्कर ठाकरे यांच्या पथकाने सोमवारी संशय तसेच मिळालेल्या गुप्त माहितीवरुन काल्या याला ताब्यात घेतले. यानंतर त्याला चिखलातून चालायला लावून नंतर चपलेचे ठसे तपासले. काल्या यानेच ही चोरी केल्याची खात्री होताच पोलिसांनी त्याला खाक्या दाखवला. पवार यांच्या घरातून चोरीस गेलेला काही ऐवज काल्याकडून हस्तगत केला आहे. शहर पोलिसांनी काल्याला अटक केली आहे. तर समीरचा शोध सुरू आहे.
