जळगाव जिल्ह्यातील पारोळा ग्रामीण रुग्णालयास तीन व्हेंटिलेटर

व्यापारी महासंघाचे वतीने खासदार उन्मेश दादा पाटील, लोकनियुक्त नगराध्यक्ष करन दादा पवार यांचा कोरोना योद्धा सन्मानपत्र देवून गौरव

पारोळा. --  कोरोना महामारीच्या लॉकडाऊन काळात दूरवर अडकलेल्या नागरिकांना घरी आणण्यासाठी प्रयत्न करणारे तरुण तडफदार खासदार तसेच या कठीण प्रसंगात पारोळा वासियांकरिता आरोग्याच्या सेवा सुविधा करिता मेहनत घेणारे यासाठी पारोळा ग्रामीण रुग्णालयास तीन व्हेंटिलेटर उपलब्ध करून विशेषत आमच्या सर्वच व्यापारी बांधवांचे खंबीर आधारस्तंभाची भूमिका घेणारे खासदार उन्मेश दादा पाटील तसेच शहराच्या आरोग्यासाठी विविध उपाय योजना करणारे  लोकनियुक्त नगराध्यक्ष करन दादा पवार यांचा आज पारोळा व्यापारी महासंघाचे वतीने कोरोना योद्धा सन्मानपत्र देऊन गौरव करण्यात आला आहे.

काल दि.२५ ऑगस्ट रोजी रात्री  नऊ वाजता शहरातील सुप्रसिद्ध अमृत कलेक्शन येथे सर्वच व्यापारी बांधवांनी दिवसभराचा व्यवसाय आटोपून हा हृदय सत्कार समारंभ आयोजित केला होता. 

 

अमृत कलेक्शनचे संचालक तसेच व्यापारी महासंघाचे अध्यक्ष केशव क्षत्रिय यांच्या हस्ते शाल श्रीफळ व पुष्पगुच्छ तसेच सन्मानपत्र देवून गौरविण्यात आले. याप्रसंगी खासदार उन्मेश दादा पाटील यांनी पारोळा व्यापारी महासंघाचे आभार व्यक्त करत आपल्यातील बंधुभाव एकता कायम ठेवत महासंघानी वाटचाल करावी 

 

माझ्या शुभेच्छा आपल्या पाठीशी राहतील असा विश्वास व्यक्त करीत ते म्हणाले की कोरोना महामारीच्या कठिण प्रसंगी  जिल्ह्यातील आरोग्य यंत्रणा अधिक सदृढ व्हावी मी सदैव प्रयत्नशील असून  पी एम केयर फंडातून पारोळा ग्रामीण रुग्णालयास तीन व्हेंटिलेटर उपलब्ध करून देण्यात आले आहेत. समाजातील सर्वच घटकांनी केंद्राच्या माध्यमातून सुरू असलेल्या विविध योजनांचा लाभ घेण्याचे आवाहन देखील त्यांनी केले. 

 

लोकनियुक्त नगराध्यक्ष करन दादा पवार यांनी आपल्या भावना व्यक्त केल्या ते म्हणाले की सर्वच व्यापारी बांधवांचे पालिकेला सहकार्य असून सुरू असलेल्या विकासकामांना त्यांनी उजाळा देत आभार व्यक्त केले. 

 

याप्रसंगी ज्येष्ठ व्यापारी  संजय कासार,विलास वाणी, कैलास हिंदुजा, अशोक लाल शेठ, आकाश महाजन, सुनील भालेराव, प्रतीक मराठे, दिनेश शेठ गुजराथी, महेश सिधी, पत्रकार संजय पाटील, रोशन शेठ शहा आदी मान्यवर उपस्थित होते. प्रास्तविक संजय कासार यांनी केले.