जळगाव (प्रतिनिधी) :- केशवस्मृती प्रतिष्ठान संचलित, शहरी बेघर निवारा गृह येथील वृध्द लाभार्थ्यांकारिता रोटरी क्लब ऑफ स्टार्स यांच्या वतीने ५० खुर्चीचे वाटप आज एका छोटेखानी कार्यक्रमात करण्यात आले. यावेळी केशवस्मृती प्रतिष्ठान चे उपाध्यक्ष निळकंठ गायकवाड, सदस्य दिपक जोशी यांचे सह रोटरी क्लब ऑफ ३०३० चे असिस्टंट डिस्ट्रीक्ट गव्हर्नर डॉ तुषार फिरके, अनिल अग्रवाल, क्लब अध्यक्ष सागर मुंदडा, सचिव करन ललवाणी,धनराज कासट, अश्विन मंडोरा, दिलीप रंगलानी, नीरज अग्रवाल, जिनल जैन, सचिन बलदवा यांचेसह दिनदयाल अंत्योदय योजना राष्ट्रीय नागरी उपजीविका अभियान च्या समन्वयिका गायत्री पाटील, सागर येवले, व्यवस्थापक मनोज कुलकर्णी उपस्थित होते.
अध्यक्ष सागर मुंदडा यांनी आगामी वर्षात रोटरी क्लब ऑफ स्टार्स च्या सर्व सदस्यांचा वाढदिवस बेघर निवारा गृहात साजरा करण्यात येईल. सर्वतोपरी सहकार्य करण्याचे आश्वासन दिले. निळकंठ गायकवाड यांनी रोटरी क्लब ऑफ स्टार्स च्या सर्व सदस्यांचे आभार मानत केशवस्मृती प्रतिष्ठान चे कार्य सामाजिक काम करणाऱ्या व्यक्ती/संस्थाच्या सहकार्याने सुरु असून त्यात रोटरी क्लब ऑफ स्टार्स ची भर पडली असल्याचे सांगितले.
कार्यक्रमाचे सुत्रसंचालन व प्रास्ताविक सागर येवले यांनी केले तर यशस्वितेसाठी व्यवस्थापक मनोज कुळकर्णी, काळजीवाहक चेतन हिवरे, राजेंद्र मराठे यांचेसह रोटरी क्लब ऑफ स्टार्स च्या सदस्यांनी परिश्रम घेतले.
